Ezagutzen den lehenengo odol transfusioa
Inocencio VIII. Aita Santua gaixotu zen eta hiru umeren odola jarri zioten, ahotik. Umeak hil ziren eta pontifizea ez zen sendatu, zendu zen ere.
Odol-ematearen historia
1492
1628
Odolaren zirkulazioa
William Harvey zientzialari ingelesak deskubritzen du.
1667
Animalietatik gizakietara
Jean Baptiste Denisek Frantzian eta Richard Lowerek Ingalaterran, bakoitzak bere aldetik, animalietatik gizakietara egindako transfusioak dokumentatzen dituzte. Emaitza txarrak ikusita, debekatzen dira.
1818
Arrakastaz egindako lehenengo transfusioak
James Blundell obstetrizian aditu britainiarrak, erditze eta geroko hemorragiak tratatzeko burutzen ditu. Baliabideen prekarietatea eta koagulazioa dela-eta, oraindik ere praktika arriskutsua da oso.
1867
Antiseptikoak
Joseph Lister kirurgialari ingelesak transfusioetan infekzioak kontrolatzeko antiseptikoak erabiltzen ditu.
1900
Odol taldeak
Karl Landsteinerek, pertsonek odol mota ezberdinak ditugula deskubritzen du; hortaz, odol talde ezberdinetako pertsonen arteko transfusioak bateragarriak ez direla ondorioztatzen du. 1901ean ABO delako sistema deskribatzen du eta 1940an, RH sistema.
1914
Antikoagulanteak
Hainbat zientzialariek zitrato sodikoa erabiliz odola kontserbatzea lortzen dute, koagulazioa ekidinez. Aurkikuntza honi esker, I. Munduko Gerran, bataila zelaietara odola eramatea posible izan zen.
1921
Emaileen bankuak
Odol hornikuntza arazoa ekiditeko, Londreseko Gurutze Gorriak munduko odol-emaileen lehenengo udal entitatea sortzen du. Doaneko zerbitzua, emailea nahiz ospitalearentzako.
1936
Odol-emateak Espainian
Lehenengoak transfusio beharrari lotuak datoz. Elósegui doktoreak hainbat transfusio burutu zituen Gerra Zibilean.
1940
Zatikapena
Edwin Cohn, Harvardeko Medikuntza Eskolako kimika biologikoa irakasleak, plasma bere osagai eta produktuetan zatikatzeko prozesua garatzen du.
1947
Lehenengo zerbitzua Nafarroan
'Nafarroako Odol Transfusioetarako Zerbitzu Iraunkorra' sortzen da, Lucea doktorearen zuzendaritzapean. Pilar Seriola eta Julia Bayona erizainekin batera, zerbitzuaren lehenengo transfusioa burutzen dute Tafallan.
1961
Plaketak eta minbizia
Plaketen kontzentratuek minbizia duten erietan, hemorragiak direla-eta ematen den hilkortasuna murrizten laguntzen dutela onartzen da.
1970
Borondatezko ematea
Odol bankuek erabat borondatean oinarritzen diren emate sistematara bideratzen dute euren lana.
1980's
Transfusioaren garaia medikuntzan
Ospitalek eta odol bankuek garai berri hau zabaltzen dute osagaien terapiaren handitzeari esker, koagulazioaren desordenentzako produktuei esker eta inmunologia arazoetan plasma erabiltzen hasi izanari esker.
1984
Hartutako Inmuno Eskasia
GIB (Giza Inmuno-Eskasiaren Birusa) HIESaren eragile gisa identifikatzen da.
1985
GIB delakoa detektatzen duten Testak
Froga hauek garatzen dira eta odol bankuetan egiten hasten dira, odol-emate prozesua babesteko.